Создано: 25.03.2019, обновлено: 25.03.2019

Муус чопчу күлүмнүү сандаара
Сааскы кэммит тиийэн кэллэ,
Ырыа -үҥкүү көҕүн тарда
Күрэх күнэ бүгүн үүннэ.
Чыры -чыычаах ырыа кыысчаан
Татыйыктыы ыллыаҕа,
Чобуо куолас мэник уолчаан
Дьоһумсуйан туойуоҕа.
Тырым чэчик ойуу симэх
Эргичийэ тэлээриэ,
Имигэсчэй илии -атах
Оһуор анньан үҥкүүлүө.
Талан ылар талба талаан
Элбэх доҕоттоор биһиэхэ,
Ымыылар ыллыыллар күрэх аанын
Арыйыаҕыҥ ытыс тыаһынан.

Ангелина Щадринова-Суоһааныы бу «Кэнчээри «уһуйаан сылын аайы ыытар үгэс буолбут Саха республикатын үөрэҕириитин туйгуна уонна Саха республикатын үөрэҕириитин бочуотунай бэтэрээнэ Гоголева Ольга Николаевна аатынан «Ымыылар ыллыыллар «ырыа,үҥкүү,муода, фольклор күрэҕэ быйыл кулун тутар 20 күнүгэр буолан ааста «Дайан «сынньалаҥ киинигэр. Урукку өттүгэр кустовой күрэх ыытыллар эбит буоллаҕына историябыт кэҥээн быйыл 5с төгүлүн зональнай статуһунан ыытылынна. Бэйэбит чугас эргин нэһилиэкпит оҕолоро, ыаллыы сытар Бүлүү улууһун уһуйааннарын иитиллээччилэрэ кэлэн кыттыыны ылаллар.

Сорох уһуйаан карантиҥҥа баран, сорох транспорт өттүгэр ыарахаттары көрсөн, быйыл Мастаахтан «Чуораанчык «,Бороҕонтон «Улыбка «,Мукучуттан «Кэнчээри «оҕо уһуйаанын иитиллээччилэрэ, барыта 45 буолан күрэхтэстилэр.

Ханнык баҕарар күрэх дьүүллүүр сүбэлээх, ол курдук быйыл эмиэ Мукучутааҕы «Оҕо кэрэ эйгэтин оскуолатын»уһуйааччылара кэлэн дьүүллээтилэр.

Бу күрэххэ биһиги «Чуораанчык «бөлөхпүтүттэн 5-саастаах 9оҕо кытынна. Күрэх түмүгүнэн быйылгы аан маҥнайгы кыттыыларыгар, биһиги оҕолорбут :
Фольклорга чабырҕахтаан -Лауреат 2степ. ,»Радуга желаний»үҥкүүлээн -Дипломан 2степ.,»Солдатушки браво ребятушки «диэн ырыаны толорон эмиэ Дипломан 2степ. үрдүк аатын ылан, ону кытта спонсордар туруорбут оонньуур приз ылан үөрүүбүт үксээтэ. Эһиилги дьылга өссө үчүгэй бэлэмнээх кыттан кыайыы өрөгөйүн билиэхпит диэн эрэллээхпит. Күрэхпитигэр күүс -көмө буолбут төрөппүттэрбитигэр, музыкальнай салайааччы Слепцова З.И.барҕа махталбытын тиэрдэбит.

Иитээччи Иванова М.С.